Qazaqstandyq Zarina Diias Shenchjen (Qytai) WTA týrniriniń shirek finalyna shyqty, dep habarlaidy "Ult aqparat".
Dúniejúzilik reitingte 75-orynda turǵan Zarina ekinshi ainalymda álemniń 58-raketkasy, reseilik Anna Blinkovamen kúsh synasty.
Álemniń 8-inshi, osy jarystyń birinshi raketkasy, shveitsariialyq Belinda Benchichti joldan taidyrǵan 21 jastaǵy A.Blinkova ońai qarsylas emes.
Birinshi sette 26 jastaǵy Z.Diias qarsylasyn ońai utty – 6:1.
Esesine ekinshi partiia asa tartysty órbidi. Birazǵa deiin tennisshiler breik almasýmen boldy. Tai-breikte qazaqstandyq sportshy eki márte matchbolyn paidalana almady. Aqyry munda A.Blinkovaǵa sáttilik joldas boldy – 7:6 (11:9).
Úshinshi, sheshýshi sette Zarina breikpen alǵa shyqty – 2:0. Áitse de reseilik sportshy tarazy basyn teńestire aldy – 2:2. Esep 4:4 bolǵanda, qazaqstandyq sportshy breik jasap, sosyn matchqa dop berdi. Bul joly ol óz múmkindigin jibergen joq – 6:4.
Shielenispen ótken báseke 2 saǵat 47 minýtqa sozyldy.
Z.Diias Shenchjen dodasynyń (júlde qory – 750 myń AQSh dollary) jartylai finalyna shyǵý úshin álemniń 35-inshi, osy týrnirdiń 6-raketkasy, Rolan Garros, Ýimbldon jarystarynyń jeńimpazy, ispaniialyq Garbine Mýgýrýsamen talasady.
Eske sala keteiik, budan buryn Mihail Kýkýshkinniń Doha týrniriniń ekinshi ainalymyna shyqqanyn, Iýliia Pýtintsevanyń Brisben jarysynda jeńilip qalǵanyn jazǵan bolatynbyz.
