قازاقستاندىق زارينا ديياس شەنچجەن (قىتاي) WTA تۋرنيرٸنٸڭ شيرەك فينالىنا شىقتى, دەپ حابارلايدى "ۇلت اقپارات".
دٷنيەجٷزٸلٸك رەيتينگتە 75-ورىندا تۇرعان زارينا ەكٸنشٸ اينالىمدا ەلەمنٸڭ 58-راكەتكاسى, رەسەيلٸك اننا بلينكوۆامەن كٷش سىناستى.
ەلەمنٸڭ 8-ٸنشٸ, وسى جارىستىڭ بٸرٸنشٸ راكەتكاسى, شۆەيتسارييالىق بەليندا بەنچيچتٸ جولدان تايدىرعان 21 جاستاعى ا.بلينكوۆا وڭاي قارسىلاس ەمەس.
بٸرٸنشٸ سەتتە 26 جاستاعى ز.ديياس قارسىلاسىن وڭاي ۇتتى – 6:1.
ەسەسٸنە ەكٸنشٸ پارتييا اسا تارتىستى ٶربٸدٸ. بٸرازعا دەيٸن تەننيسشٸلەر برەيك الماسۋمەن بولدى. تاي-برەيكتە قازاقستاندىق سپورتشى ەكٸ مەرتە ماتچبولىن پايدالانا المادى. اقىرى مۇندا ا.بلينكوۆاعا سەتتٸلٸك جولداس بولدى – 7:6 (11:9).
ٷشٸنشٸ, شەشۋشٸ سەتتە زارينا برەيكپەن العا شىقتى – 2:0. ەيتسە دە رەسەيلٸك سپورتشى تارازى باسىن تەڭەستٸرە الدى – 2:2. ەسەپ 4:4 بولعاندا, قازاقستاندىق سپورتشى برەيك جاساپ, سوسىن ماتچقا دوپ بەردٸ. بۇل جولى ول ٶز مٷمكٸندٸگٸن جٸبەرگەن جوق – 6:4.
شيەلەنٸسپەن ٶتكەن بەسەكە 2 ساعات 47 مينۋتقا سوزىلدى.
ز.ديياس شەنچجەن دوداسىنىڭ (جٷلدە قورى – 750 مىڭ اقش دوللارى) جارتىلاي فينالىنا شىعۋ ٷشٸن ەلەمنٸڭ 35-ٸنشٸ, وسى تۋرنيردٸڭ 6-راكەتكاسى, رولان گارروس, ۋيمبلدون جارىستارىنىڭ جەڭٸمپازى, يسپانييالىق گاربينە مۋگۋرۋسامەن تالاسادى.
ەسكە سالا كەتەيٸك, بۇدان بۇرىن ميحايل كۋكۋشكيننٸڭ دوحا تۋرنيرٸنٸڭ ەكٸنشٸ اينالىمىنا شىققانىن, يۋلييا پۋتينتسەۆانىڭ بريسبەن جارىسىندا جەڭٸلٸپ قالعانىن جازعان بولاتىنبىز.
