Qazaqstandyq Zarina Diias Parijde ótip jatqan Rolan Garros týrniriniń ekinshi ainalymyna shyqty, dep habarlaidy "Ult aqparat".
Dúniejúzilik reitingte 93-orynda turǵan Z.Diias alǵashqy ainalymda álemniń 71-raketkasy, ulybritaniialyq Hiter Ýotsonmen kortqa shyqty.
Qarsylastar buǵan deiin ózara eki márte kezdesip, bir-birden jeńiske jetken.
Birinshi partiiada Zarina basymdylyq tanytty – 6:4.
Ekinshi sette H.Ýotson alǵa ketti – 3:1. Degenmen qazaqstandyq tennisshi tarazy basyn teńestire bildi – 4:4. Aqyry matchty taǵy bir breikpen túiindedi – 7:5.
Tartysty báseke 1 saǵat 53 minýtqa sozyldy.
Z.Diias ekinshi ainalymda álemniń 15-raketkasy, belgiialyq Eliza Mertens nemese reitingte 161-satydaǵy, negizgi dodaǵa irikteý saiystarynan keiin qosylǵan aýstraliialyq Storm Sanderstiń bireýimen sheberlik baiqasady.
Ótken jyly Frantsiia ashyq chempionatynda Zarina Týnis ókili Ons Jaberge 6:4, 3:6, 1:6 esebimen ese jiberip, alǵashqy ainalymnan asa almaǵan edi. Biyl O.Jaber taǵy bir qazaqstandyq Iýliia Pýtintsevamen kúsh synasady.
Eske sala keteiik, budan buryn Elena Rybakinanyń Rolan Garros týrnirin jeńispen bastaǵanyn, Jibek Qulambaevanyń Shymkenttegi týrnirdiń chempiony atanǵanyn jazǵan bolatynbyz.
