قازاقستاندىق زارينا ديياس پاريجدە ٶتٸپ جاتقان رولان گارروس تۋرنيرٸنٸڭ ەكٸنشٸ اينالىمىنا شىقتى, دەپ حابارلايدى "ۇلت اقپارات".
دٷنيەجٷزٸلٸك رەيتينگتە 93-ورىندا تۇرعان ز.ديياس العاشقى اينالىمدا ەلەمنٸڭ 71-راكەتكاسى, ۇلىبريتانييالىق حيتەر ۋوتسونمەن كورتقا شىقتى.
قارسىلاستار بۇعان دەيٸن ٶزارا ەكٸ مەرتە كەزدەسٸپ, بٸر-بٸردەن جەڭٸسكە جەتكەن.
بٸرٸنشٸ پارتييادا زارينا باسىمدىلىق تانىتتى – 6:4.
ەكٸنشٸ سەتتە ح.ۋوتسون العا كەتتٸ – 3:1. دەگەنمەن قازاقستاندىق تەننيسشٸ تارازى باسىن تەڭەستٸرە بٸلدٸ – 4:4. اقىرى ماتچتى تاعى بٸر برەيكپەن تٷيٸندەدٸ – 7:5.
تارتىستى بەسەكە 1 ساعات 53 مينۋتقا سوزىلدى.
ز.ديياس ەكٸنشٸ اينالىمدا ەلەمنٸڭ 15-راكەتكاسى, بەلگييالىق ەليزا مەرتەنس نەمەسە رەيتينگتە 161-ساتىداعى, نەگٸزگٸ دوداعا ٸرٸكتەۋ سايىستارىنان كەيٸن قوسىلعان اۋسترالييالىق ستورم ساندەرستٸڭ بٸرەۋٸمەن شەبەرلٸك بايقاسادى.
ٶتكەن جىلى فرانتسييا اشىق چەمپيوناتىندا زارينا تۋنيس ٶكٸلٸ ونس جابەرگە 6:4, 3:6, 1:6 ەسەبٸمەن ەسە جٸبەرٸپ, العاشقى اينالىمنان اسا الماعان ەدٸ. بيىل و.جابەر تاعى بٸر قازاقستاندىق يۋلييا پۋتينتسەۆامەن كٷش سىناسادى.
ەسكە سالا كەتەيٸك, بۇدان بۇرىن ەلەنا رىباكينانىڭ رولان گارروس تۋرنيرٸن جەڭٸسپەن باستاعانىن, جٸبەك قۇلامباەۆانىڭ شىمكەنتتەگٸ تۋرنيردٸڭ چەمپيونى اتانعانىن جازعان بولاتىنبىز.
