Qazaqstandyq tennisshi Zarina Diias álemdik reitingte 89-orynǵa kóterildi, dep habarlaidy QazAqparat tilshisi.
Ótken aptada Manchester ITF týrniriniń finalyna deiin jetken Z.Diias budan buryn 101-satyda turǵan edi.
Sol sekildi Hertogenbos (Niderlandy) týrniriniń jartylai finalyna deiin jetken Elena Rybakina da óz kórsetkishin jaqsartty. Ol buryn 134-orynda bolsa, qazir 113-satyda. Óz sporttyq jolynda alǵash ret WTA týrniriniń jartylai finalyna deiin barǵan E.Rybakina úzdik 100 tennisshige jaqyndap keledi.
Qazaqstannyń birinshi tennisshisi Iýliia Pýtintseva burynǵy 43-ornynda qaldy. Ol júlde qory 1 mln AQSh dollarynan asatyn Birmingem (Ulybritaniia) WTA týrniriniń alǵashqy ainalymynda reitingte 157-oryndaǵy ulybritaniialyq Herriet Dartpen kúsh synasady.
Erler arasynda Mihail Kýkýshkin men Aleksandr Býblik júlde qory 2 mln eýrodan asatyn London ATP týrnirinde baq synaidy. M.Kýkýshkinniń alǵashqy qarsylasy - frantsiialyq Jeremi Shardi. Negizgi týrnirge irikteý saiystarynan keiin qosylǵan A.Býblik argentinalyq Diego Shvartsmanmen kezdesedi.
Búgin - E.Rybakina men A.Býbliktiń týǵan kúni. Elena 20-ǵa, Aleksandr 22-ge toldy.
