قازاقستاندىق تەننيسشٸ زارينا ديياس ەلەمدٸك رەيتينگتە 89-ورىنعا كٶتەرٸلدٸ, دەپ حابارلايدى قازاقپارات تٸلشٸسٸ.
ٶتكەن اپتادا مانچەستەر ITF تۋرنيرٸنٸڭ فينالىنا دەيٸن جەتكەن ز.ديياس بۇدان بۇرىن 101-ساتىدا تۇرعان ەدٸ.
سول سەكٸلدٸ حەرتوگەنبوس (نيدەرلاندى) تۋرنيرٸنٸڭ جارتىلاي فينالىنا دەيٸن جەتكەن ەلەنا رىباكينا دا ٶز كٶرسەتكٸشٸن جاقسارتتى. ول بۇرىن 134-ورىندا بولسا, قازٸر 113-ساتىدا. ٶز سپورتتىق جولىندا العاش رەت WTA تۋرنيرٸنٸڭ جارتىلاي فينالىنا دەيٸن بارعان ە.رىباكينا ٷزدٸك 100 تەننيسشٸگە جاقىنداپ كەلەدٸ.
قازاقستاننىڭ بٸرٸنشٸ تەننيسشٸسٸ يۋلييا پۋتينتسەۆا بۇرىنعى 43-ورنىندا قالدى. ول جٷلدە قورى 1 ملن اقش دوللارىنان اساتىن بيرمينگەم (ۇلىبريتانييا) WTA تۋرنيرٸنٸڭ العاشقى اينالىمىندا رەيتينگتە 157-ورىنداعى ۇلىبريتانييالىق حەرريەت دارتپەن كٷش سىناسادى.
ەرلەر اراسىندا ميحايل كۋكۋشكين مەن الەكساندر بۋبليك جٷلدە قورى 2 ملن ەۋرودان اساتىن لوندون ATP تۋرنيرٸندە باق سىنايدى. م.كۋكۋشكيننٸڭ العاشقى قارسىلاسى - فرانتسييالىق جەرەمي شاردي. نەگٸزگٸ تۋرنيرگە ٸرٸكتەۋ سايىستارىنان كەيٸن قوسىلعان ا.بۋبليك ارگەنتينالىق ديەگو شۆارتسمانمەن كەزدەسەدٸ.
بٷگٸن - ە.رىباكينا مەن ا.بۋبليكتٸڭ تۋعان كٷنٸ. ەلەنا 20-عا, الەكساندر 22-گە تولدى.
