Qazaqstandyq, álemniń 89-raketkasy Zarina Diias Madrid WTA 1000 týrniriniń negizgi jarysyna óte almady, dep habarlaidy "Ult aqparat".
Z.Diias irikteý saiystarynyń finalynda dúniejúzilik reitingte 137-orynda turǵan ýkrainalyq Katerina Kozlovamen sheberlik baiqasty.
Birinshi partiiany ýkrainalyq tennisshi óz esebine jaza bildi – 6:4.
Ekinshi sette esep 2:2 bolǵan mezette K.Kozlova breik jasap ketti. Ol matchqa dop bergende, Zarina qos birdei breik-pointyn paidalana almady. Ekinshi partiiada da esep 6:4-pen bitti.
Báseke 1 saǵat 28 minýtqa sozyldy.
Osylaisha K.Kozlova 29 sáýirde bastalatyn Madridtiń negizgi týrnirine joldama aldy. Onda Qazaqstannan Elena Rybakina, Iýliia Pýtintseva jáne Iaroslava Shvedova óner kórsetedi.
