تەننيس: زارينا ديياس مادريدتە نەگٸزگٸ تۋرنيرگە ٶتە المادى

قازاقستاندىق, ەلەمنٸڭ 89-راكەتكاسى زارينا ديياس مادريد WTA 1000 تۋرنيرٸنٸڭ نەگٸزگٸ جارىسىنا ٶتە المادى, دەپ حابارلايدى "ۇلت اقپارات".

ز.ديياس ٸرٸكتەۋ سايىستارىنىڭ فينالىندا دٷنيەجٷزٸلٸك رەيتينگتە 137-ورىندا تۇرعان ۋكراينالىق كاتەرينا كوزلوۆامەن شەبەرلٸك بايقاستى.

بٸرٸنشٸ پارتييانى ۋكراينالىق تەننيسشٸ ٶز ەسەبٸنە جازا بٸلدٸ – 6:4.

ەكٸنشٸ سەتتە ەسەپ 2:2 بولعان مەزەتتە ك.كوزلوۆا برەيك جاساپ كەتتٸ. ول ماتچقا دوپ بەرگەندە, زارينا قوس بٸردەي برەيك-پوينتىن پايدالانا المادى. ەكٸنشٸ پارتييادا دا ەسەپ 6:4-پەن بٸتتٸ.

بەسەكە 1 ساعات 28 مينۋتقا سوزىلدى. 

وسىلايشا ك.كوزلوۆا 29 سەۋٸردە باستالاتىن مادريدتٸڭ نەگٸزگٸ تۋرنيرٸنە جولداما الدى. وندا قازاقستاننان ەلەنا رىباكينا, يۋلييا پۋتينتسەۆا جەنە ياروسلاۆا شۆەدوۆا ٶنەر كٶرسەتەدٸ.