Qazaqstandyq Zarina Diias Liýksembýrg WTA 250 týrniriniń ekinshi ainalymyna shyqty, dep habarlaidy QazAqparat.
Dúniejúzilik reitingte 105-orynda turǵan Diias birinshi ainalymda álemniń 85-raketkasy, slovakiialyq Anna Shmidlovamen sheberlik baiqasty.
Birinshi partiiada Zarina qarsylasyna birde-bir geim bergen joq – 6:0.
Ekinshisinde esep 1:1 bolǵannan keiin qarsylasy kúsh alyp ketti – 6:1.
Úshinshi, sheshýshi sette Zarina 4:1 esebimen alǵa shyqqanymen, Shmidlova tarazy basyn teńestirdi. Degenmen esep 5:4 bolǵan mezette qazaqstandyq sportshy tórtinshi matchbolyn paidalana bildi – 6:4.
Tartysty ótken match 2 saǵat 10 minýtqa sozyldy.
Báseke barysynda Diias 1 eis jasap, 16 breik-pointtyń beseýin óz esebine jazdy. Qarsylasy 2 eis, 3 breikke (7 breik-point) qol jetkizdi.
Diias ekinshi ainalymda álemniń 12-inshi, osy jarystyń 1-raketkasy, Tokio Olimpiadasynyń chempiony, shveitsariialyq Belinda Benchichpen kortqa shyǵady. Tokioda Benchich jartylai finalda Qazaqstannyń birinshi raketkasy Elena Rybakinadan ailasyn asyryp ketken edi.
Júlde qory 235 myń AQSh dollarynan asatyn Liýksembýrg dodasy 19 qyrkúiekte márege jetedi. Ótken jyly munda latviialyq Elena Ostapenko jeńimpaz atanǵan bolatyn.
