Qazaqstandyq tennisshi Zarina Diias Gonkongtaǵy ITF týrniriniń finalyna shyqty, dep habarlaidy "Ult aqparat".
Álemniń 77-raketkasy Z.Diias jartylai finalda reitingte 157-orynda turǵan amerikalyq Sachiia Vikerimen sheberlik baiqasty.
Qazaqstandyq sportshy qarsylasyn 6:3, 6:2 esebimen tize búktirdi. Buǵan deiin olar ózara eki márte kezdesip, esep 1:1 bolǵan edi. Endi Zarina 2:1 esebimen alǵa shyqty.
Júlde qory 25 myń AQSh dollaryna baǵalanǵan jarystyń finalynda Z.Diias álemniń 72-inshi, osy týrnirdiń 1-raketkasy, qytailyq Chjý Lin nemese reitingte 251-satydaǵy frantsiialyq Harmoni Tannyń bireýimen kezdesedi.
Eske sala keteiik, budan buryn Z.Diiastyń Gonkongtaǵy týrnirdiń jartylai finalyna shyqqanyn, al Iýliia Pýtintsevanyń jyldyń betashar matchyn Brisbende ótkizetinin jazǵan bolatynbyz.
