قازاقستاندىق تەننيسشٸ زارينا ديياس گونكونگتاعى ITF تۋرنيرٸنٸڭ فينالىنا شىقتى, دەپ حابارلايدى "ۇلت اقپارات".
ەلەمنٸڭ 77-راكەتكاسى ز.ديياس جارتىلاي فينالدا رەيتينگتە 157-ورىندا تۇرعان امەريكالىق ساچييا ۆيكەريمەن شەبەرلٸك بايقاستى.
قازاقستاندىق سپورتشى قارسىلاسىن 6:3, 6:2 ەسەبٸمەن تٸزە بٷكتٸردٸ. بۇعان دەيٸن ولار ٶزارا ەكٸ مەرتە كەزدەسٸپ, ەسەپ 1:1 بولعان ەدٸ. ەندٸ زارينا 2:1 ەسەبٸمەن العا شىقتى.
جٷلدە قورى 25 مىڭ اقش دوللارىنا باعالانعان جارىستىڭ فينالىندا ز.ديياس ەلەمنٸڭ 72-ٸنشٸ, وسى تۋرنيردٸڭ 1-راكەتكاسى, قىتايلىق چجۋ لين نەمەسە رەيتينگتە 251-ساتىداعى فرانتسييالىق حارموني تاننىڭ بٸرەۋٸمەن كەزدەسەدٸ.
ەسكە سالا كەتەيٸك, بۇدان بۇرىن ز.ديياستىڭ گونكونگتاعى تۋرنيردٸڭ جارتىلاي فينالىنا شىققانىن, ال يۋلييا پۋتينتسەۆانىڭ جىلدىڭ بەتاشار ماتچىن بريسبەندە ٶتكٸزەتٸنٸن جازعان بولاتىنبىز.
