Qazaqstandyq Zarina Diias Chikago WTA 125 týrnirin jeńispen bastady, dep habarlaidy "Ult aqparat".
Dúniejúzilik reitingte 106-orynda turǵan qazaqstandyq tennisshi alǵashqy kezdesýin álemniń 79-ynshy, osy jarystyń 5-raketkasy, amerikalyq Medison Brenglmen ótkizdi.
Birinshi partiiada tai-breikte kort iesi sátti oinai aldy – 7:6 (7:2). Esesine ekinshi sette Zarina qarymta qaitardy – 7:6 (7:5).
Úshinshi, sheshýshi partiiada Z.Diias jeńisti julyp aldy – 6:4.
Báseke asa tartysty ótip, 2 saǵat 41 minýtqa sozyldy.
Match barysynda qarsylastar eis jasaǵan joq. Zarina 22 breik-pointtyń 9-yn paidalandy. Brengl 15 breik-pointtyń 8-in óz esebine jazdy.
Z.Diias shirek finalǵa shyǵý úshin reitingte 117-satydaǵy italiialyq, 34 jastaǵy tájiribeli tennisshi Sara Erranimen talasady.
