تەننيس: زارينا ديياس چيكاگو تۋرنيرٸن جەڭٸسپەن باستادى

قازاقستاندىق زارينا ديياس چيكاگو WTA 125 تۋرنيرٸن جەڭٸسپەن باستادى, دەپ حابارلايدى "ۇلت اقپارات".

دٷنيەجٷزٸلٸك رەيتينگتە 106-ورىندا تۇرعان قازاقستاندىق تەننيسشٸ العاشقى كەزدەسۋٸن ەلەمنٸڭ 79-ىنشى, وسى جارىستىڭ 5-راكەتكاسى, امەريكالىق مەديسون برەنگلمەن ٶتكٸزدٸ.

بٸرٸنشٸ پارتييادا تاي-برەيكتە كورت يەسٸ سەتتٸ ويناي الدى – 7:6 (7:2). ەسەسٸنە ەكٸنشٸ سەتتە زارينا قارىمتا قايتاردى – 7:6 (7:5).

ٷشٸنشٸ, شەشۋشٸ پارتييادا ز.ديياس جەڭٸستٸ جۇلىپ الدى – 6:4.

بەسەكە اسا تارتىستى ٶتٸپ, 2 ساعات 41 مينۋتقا سوزىلدى.

ماتچ بارىسىندا قارسىلاستار ەيس جاساعان جوق. زارينا 22 برەيك-پوينتتىڭ 9-ىن پايدالاندى. برەنگل 15 برەيك-پوينتتىڭ 8-ٸن ٶز ەسەبٸنە جازدى.

ز.ديياس شيرەك فينالعا شىعۋ ٷشٸن رەيتينگتە 117-ساتىداعى يتالييالىق, 34 جاستاعى تەجٸريبەلٸ تەننيسشٸ سارا ەررانيمەن تالاسادى.