Qazaqstandyq Iýliia Pýtintseva Ostrava (Chehiia) WTA 500 týrnirin jeńispen bastady, dep habarlaidy QazAqparat.
Álemniń 49-raketkasy Iu.Pýtintseva alǵashqy kezdesýin reitingte ózinen bir-aq saty joǵary turǵan qytailyq Chjan Shýaimen ótkizdi.
Birinshi sette qytailyq sportshy ábjildik tanytty - 7:5.
Esesine ekinshi partiiada qazaqstandyq tennisshi tai-breikte jeńisti julyp aldy - 7:6 (9:7).
Úshinshi, sheshýshi sette Pýtintseva breik jasap, sol basymdylyǵyn saqtai aldy - 6:4.
Asa tartysty ótken báseke 3 saǵat 25 minýtqa sozyldy. Match barysynda Pýtintseva 2 eis jasap, 20 breik-pointtyń jeteýin óz esebine jazdy. Eis jasamaǵan qarsylasy da 7 breikke (22 breik-point) qol jetkizdi.
Iu.Pýtintseva ekinshi ainalymda álemniń altynshy, osy dodanyń 1-raketkasy, Polsha ókili Iga Shventekpen kortqa shyǵady.
Júlde qory 565 myń AQSh dollarynan asatyn Ostrava jarysy 26 qyrkúiekte aiaqtalady.
Qazaqstannyń birinshi, álemniń 16-raketkasy Elena Rybakina alǵashqy ainalymda reseilik Vera Kýdermetovamen kezdesedi.
