Qazaqstandyq Timofei Skatov elordada ótip jatqan Forte Challenger 125 týrniriniń ekinshi ainalymyna shyqty, dep habarlaidy "Ult aqparat".
T.Skatov bastapqy kezdesýin otandasy Dmitrii Popkomen ótkizdi.
D.Popko dúniejúzilik reitingte 183-orynda bolsa, 20 jastaǵy T.Skatov 456-satyda edi.
Birinshi partiia barysynda qarsylastar breik almasýmen boldy. Degenmen esep 4:3 bolǵan mezette T.Skatov óz geimin ala bildi. Sodan keiin bir saǵatqa sozylǵan tartysty setti óz paidasyna sheshti.
Timofei ekinshi setti de breikpen bastady – 2:0. D.Popko tarazy basyn teńestirgenimen, T.Skatov qaita alǵa shyqty – 4:2. Aqyry ol ekinshi matchbolyn sátti paidalana aldy – 6:4.
Báseke 1 saǵat 53 minýtqa sozyldy.
T.Skatov shirek finalǵa shyǵý úshin reitingte 171-satydaǵy aýstriialyq Sebastian Ofnermen talasady. Ol bastapqy kezdesýinde álemniń 127-inshi, osy dodanyń 6-raketkasy, reseilik Evgenii Donskoidy 6:2, 6:4 esebimen tize búktirdi.
