Qazaqstandyq Timofei Skatov Almaty chellendjer týrniriniń finalynda jeńilip qaldy, dep habarlaidy "Ult aqparat".
Dúniejúzilik reitingte 399-orynda turǵan Skatov finalda álemniń 259-raketkasy, belgiialyq Zizý Bergspen kúsh synasty.
Bul 20 jastaǵy Skatovtyń chellendjer jarystaryndaǵy alǵashqy finaly edi.
Birinshi partiia 6:4 esebimen qazaqstandyq tennisshiniń enshisinde ketti.
Ekinshisinde 22 jastaǵy Bergs basymdylyq tanytty – 6:3.
Ol úshinshi, sheshýshi sette de múmkindigin jibergen joq – 6:2.
Finaldyq báseke týra eki saǵatqa sozyldy.
Qazirgi kezde Almatyda dál osyndai ekinshi chellendjer jarysynyń irikteý saiystary ótýde.
