3 aqpan kúni Melbýrnde Grampians Trophy WTA 500 týrniri bastalady, dep habarlaidy "Ult aqparat".
Qazaqstan tennis federatsiiasy málim etkenindei, bul jarys Aýstraliiada qatań karantinde bolǵan tennisshiler úshin arnaiy uiymdastyrylyp otyr.
Dodada Qazaqstannan Elena Rybakina men Iýliia Pýtintseva baq synaidy. Reitingisi joǵary bolǵandyqtan, E.Rybakina jarysty ekinshi ainalymnan bastaidy. Ol amerikalyq Loren Devis nemese chehiialyq Barbora Kreichikovanyń qai jeńgenimen kortqa shyǵady.
Iu.Pýtintseva alǵashqy ainalymdaǵy kezdesýin ispaniialyq Djeordjina Garsiia Perespen ótkizedi.
Melbýrnda osy merzimde áielder arasynda taǵy eki jarys ótýde. Qazaqstandyq Zarina Diias Gippsland Trophy WTA 500 týrnirine qatysýdan bas tartty.
«Iá, jarysqa qatyspadym, degenmen bári qalypty. Ishimniń azdap aýyrǵany bolmasa, pálendei eshteńe joq. Aýstraliia ashyq chempionatyna daiyndalamyn», dedi Z.Diias.
Bul dodada Zarinanyń ornyna shyqqan rýmyniialyq Monika Nikýleský germaniialyq Laýra Zigemýndtan 5:7, 4:6 esebimen jeńilip qaldy.
