3 اقپان كٷنٸ مەلبۋرندە Grampians Trophy WTA 500 تۋرنيرٸ باستالادى, دەپ حابارلايدى "ۇلت اقپارات".
قازاقستان تەننيس فەدەراتسيياسى مەلٸم ەتكەنٸندەي, بۇل جارىس اۋسترالييادا قاتاڭ كارانتيندە بولعان تەننيسشٸلەر ٷشٸن ارنايى ۇيىمداستىرىلىپ وتىر.
دودادا قازاقستاننان ەلەنا رىباكينا مەن يۋلييا پۋتينتسەۆا باق سىنايدى. رەيتينگٸسٸ جوعارى بولعاندىقتان, ە.رىباكينا جارىستى ەكٸنشٸ اينالىمنان باستايدى. ول امەريكالىق لورەن دەۆيس نەمەسە چەحييالىق باربورا كرەيچيكوۆانىڭ قاي جەڭگەنٸمەن كورتقا شىعادى.
يۋ.پۋتينتسەۆا العاشقى اينالىمداعى كەزدەسۋٸن يسپانييالىق دجەوردجينا گارسييا پەرەسپەن ٶتكٸزەدٸ.
مەلبۋرندا وسى مەرزٸمدە ەيەلدەر اراسىندا تاعى ەكٸ جارىس ٶتۋدە. قازاقستاندىق زارينا ديياس Gippsland Trophy WTA 500 تۋرنيرٸنە قاتىسۋدان باس تارتتى.
«يە, جارىسقا قاتىسپادىم, دەگەنمەن بەرٸ قالىپتى. ٸشٸمنٸڭ ازداپ اۋىرعانى بولماسا, پەلەندەي ەشتەڭە جوق. اۋسترالييا اشىق چەمپيوناتىنا دايىندالامىن», دەدٸ ز.ديياس.
بۇل دودادا زارينانىڭ ورنىنا شىققان رۋمىنييالىق مونيكا نيكۋلەسكۋ گەرمانييالىق لاۋرا زيگەمۋندتان 5:7, 4:6 ەسەبٸمەن جەڭٸلٸپ قالدى.
