Jyldyń alǵashqy «Úlken dýlyǵa» týrniri – Aýstraliia ashyq chempionatynyń jerebesi tartyldy, dep habarlaidy QazAqparat.
Qazaqstannyń birinshi, álemniń 13-raketkasy Elena Rybakina alǵashqy ainalymda otandasy, dúniejúzilik reitingte 108-orynda turǵan Zarina Diiaspen kezdesedi.
Álemniń 43-raketkasy Iýliia Pýtintseva reitingte 110-satydaǵy frantsiialyq Harmoni Tandy synap kóredi.
Ótken jyly Iu.Pýtintseva tórtinshi, Z.Diias úshinshi, E.Rybakina ekinshi ainalymǵa deiin jetken edi.
Erler arasynda Qazaqstannyń birinshi, álemniń 35-raketkasy Aleksandr Býbliktiń qarsylasy keiin anyqtalady. Taǵy úsh qazaqstandyq tennisshi irikteý saiystarynyń finalynan ótse, A.Býbliktiń qataryna qosylyp qalýy múmkin.
