Qazaqstandyq Elena Rybakina Liýksembýrg WTA týrniriniń shirek finalyna shyqty, dep habarlaidy "Ult aqparat".
Osy jarystyń úshinshi, álemniń 43-raketkasy E.Rybakina ekinshi ainalymda reitingte 247-orynda turǵan chehiialyq Denisa Allertovamen kezdesti.
Birinshi partiiada esep 2:1 bolǵan mezette qazaqstandyq tennisshi breik jasai bildi. Sosyn setti taǵy bir breikpen bitirdi – 6:2.
Ekinshi partiiada da E.Rybakina breikpen alǵa shyqty – 3:1. Taǵy bir breikten keiin machtqa dop bergende de qarqynyn báseńdetken joq – 6:1.
Qazaqstandyq sportshynyń basymdylyǵymen ótken báseke 58 minýtqa sozyldy.
E.Rybakina júlde qory 226,4 myń AQSh dollaryna baǵalanǵan dodanyń jartylai finalyna shyǵý úshin álemniń 52-raketkasy, slovakiialyq Viktoriia Kýzmova nemese reitingte 79-satydaǵy germaniialyq Laýra Zigemýndtyń qai jeńgenimen talasady.
Eske sala keteiik, budan buryn E.Rybakinanyń Liýksembýrg týrniriniń ekinshi ainalymyna shyqqanyn, al Iu.Pýtintseva men A.Býbliktiń Máskeýde «Kreml kýbogynda» jeńilip qalǵanyn jazǵan bolatynbyz.
