قازاقستاندىق ەلەنا رىباكينا ليۋكسەمبۋرگ WTA تۋرنيرٸنٸڭ شيرەك فينالىنا شىقتى, دەپ حابارلايدى "ۇلت اقپارات".
وسى جارىستىڭ ٷشٸنشٸ, ەلەمنٸڭ 43-راكەتكاسى ە.رىباكينا ەكٸنشٸ اينالىمدا رەيتينگتە 247-ورىندا تۇرعان چەحييالىق دەنيسا اللەرتوۆامەن كەزدەستٸ.
بٸرٸنشٸ پارتييادا ەسەپ 2:1 بولعان مەزەتتە قازاقستاندىق تەننيسشٸ برەيك جاساي بٸلدٸ. سوسىن سەتتٸ تاعى بٸر برەيكپەن بٸتٸردٸ – 6:2.
ەكٸنشٸ پارتييادا دا ە.رىباكينا برەيكپەن العا شىقتى – 3:1. تاعى بٸر برەيكتەن كەيٸن ماچتقا دوپ بەرگەندە دە قارقىنىن بەسەڭدەتكەن جوق – 6:1.
قازاقستاندىق سپورتشىنىڭ باسىمدىلىعىمەن ٶتكەن بەسەكە 58 مينۋتقا سوزىلدى.
ە.رىباكينا جٷلدە قورى 226,4 مىڭ اقش دوللارىنا باعالانعان دودانىڭ جارتىلاي فينالىنا شىعۋ ٷشٸن ەلەمنٸڭ 52-راكەتكاسى, سلوۆاكييالىق ۆيكتورييا كۋزموۆا نەمەسە رەيتينگتە 79-ساتىداعى گەرمانييالىق لاۋرا زيگەمۋندتىڭ قاي جەڭگەنٸمەن تالاسادى.
ەسكە سالا كەتەيٸك, بۇدان بۇرىن ە.رىباكينانىڭ ليۋكسەمبۋرگ تۋرنيرٸنٸڭ ەكٸنشٸ اينالىمىنا شىققانىن, ال يۋ.پۋتينتسەۆا مەن ا.بۋبليكتٸڭ مەسكەۋدە «كرەمل كۋبوگىندا» جەڭٸلٸپ قالعانىن جازعان بولاتىنبىز.
