Qazaqstannyń birinshi, álemniń 21-raketkasy Elena Rybakina Istbýrn (Ulybritaniia) WTA 500 týrniriniń ekinshi ainalymyna shyqty, dep habarlaidy "Ult aqparat".
Qazaqstandyq tennisshi bastapqy kezdesýin dúniejúzilik reitingte 141-orynda turǵan ulybritaniialyq Herriet Dartpen ótkizdi.
Birinshi partiiada E.Rybakina senimdi oinai bildi - 6:2.
Ekinshi sette H.Dart breikpen alǵa shyqqanymen, Elena tarazy basyn teńestirdi. Biraq tai-breikte Darttyń joly boldy - 7:6 (7:5).
Úshinshi, sheshýshi partiiada Rybakina jeńisti julyp aldy - 6:4.
Tartysty báseke 2 saǵat 20 minýtqa sozyldy.
Match barysynda E.Rybakina 22 breik-pointtyń altaýyn paidalandy. Qarsylasy úsh breikpen shekteldi.
E.Rybakina júlde qory 565 myń AQSh dollarynan asatyn dodanyń shirek finalyna shyǵý úshin álemniń 5-raketkasy, ýkrainalyq Elina Svitolinamen talasady. Ol dál osyndai tartysty kezdesýde álemniń 33-raketkasy, ispaniialyq Paýla Badosany utty.
