Qazaqstannyń birinshi raketkasy álemdik reitingide 21-orynǵa kóterildi, dep habarlaidy "Ult aqparat".
Áielder tennisi qaýymdastyǵynyń (WTA) dúisenbide jańartylǵan reitingisinde Rolan Garros týrniriniń shirek finalyna deiin jetken E.Rybakina 22-den 21-satyǵa shyqty.
Taǵy bir qazaqstandyq Iýliia Pýtintseva 43-ten 42-ge kóterilse, Zarina Diias 93-ten 102-ge syrǵyp ketti.
Dúniejúzilik reitingte burynǵysha aýstraliialyq Eshli Barti kósh bastasa, japoniialyq Naomi Osaka ekinshi, rýmyniialyq Simona Halep úshinshi orynda keledi.
Erler arasynda álemdik reitingide Qazaqstannyń birinshi raketkasy Aleksandr Býblik 37-den 39-satyǵa syrǵysa, Mihail Kýkýshkin 106-dan 105-ke, Dmitrii Popko 197-den 186-ǵa joǵarylady.
