Tennisten Rolan Garros týrniri bir aptaǵa keiinge shegerildi, dep habarlaidy "Ult aqparat".
Jarysty uiymdastyrýshylar málim etkendei, Frantsiia ashyq chempionatynyń irikteý saiystary 24-28 mamyrda ótedi. Al negizgi týrnir 30-ynda bastalyp, 13 maýsymda márege jetedi.
Frantsiia Prezidenti 31 naýryz kúni sóilegen sózinde densaýlyq saqtaý salasynda jaǵdai jaqsarǵan jaǵdaida mamyr aiynyń ortasynan bastap mádeni jáne sporttyq sharalardyń kestege sáikes birte-birte jandanatynyn jariia etken bolatyn. Soǵan bailanysty Rolan Garrosty uiymdastyrýshylar týrnirdi bir aptaǵa shegerip, osylaisha jarysty tamashalaýshylar kóbeiedi dep úmittenedi.
Rolan Garros nemese Frantsiia ashyq chempionaty – jyl saiyn ótetin tórt «Úlken dýlyǵa» týrniriniń biri.
Ótken jyly da doda pandemiiaǵa bailanysty keiinge qaldyrylyp, kúzde ótken bolatyn.
