Qazaqstandyq Iýliia Pýtintseva Tsintsinnati WTA 1000 týrnirin jeńispen bastady, dep habarlaidy "Ult aqparat".
Álemniń 36-raketkasy Iu.Pýtintseva birinshi ainalymda dúniejúzilik reitingte 51-orynda turǵan qytailyq Chjan Shýaimen kezdesti.
Nebári 46 minýtqa sozylǵan matchta qazaqstandyq tennisshi aiqyn basymdylyq kórsetip, 6:2, 6:0 esebimen jeńiske jetti. Ol báseke barysynda 2 eis jasap, 6 breik-pointtyń beseýin paidalandy. Qarsylasy 1 eispen ǵana shektelip, breik jasai alǵan joq.
Bul sportshylardyń ózara kezdesýlerindegi esep teńesti – 2:2.
Iu.Pýtintseva ekinshi ainalymda álemniń 6-raketkasy, chehiialyq Karolina Plishkovamen sheberlik baiqasady. K.Plishkova osynyń aldynda Kanadada ótken Monreal týrniriniń finalyna deiin jetip, sońǵy básekede italiialyq Kamila Djordjige 3:6, 5:7 esebimen ese jibergen bolatyn.
Qazaqstannyń birinshi, álemniń 19-raketkasy Elena Rybakina alǵashqy ainalymda reitingte 186-satydaǵy aýstraliialyq Samanta Stosýrmen kortqa shyǵady. Elena tájiribeli qarsylasyn Tokio Olimpiadasynda utqan bolatyn.
Júlde qory 2,1 mln AQSh dollarynan asatyn Tsintsinnati dodasy 22 tamyzda márege jetedi.
