قازاقستاندىق يۋلييا پۋتينتسەۆا تسينتسينناتي WTA 1000 تۋرنيرٸن جەڭٸسپەن باستادى, دەپ حابارلايدى "ۇلت اقپارات".
ەلەمنٸڭ 36-راكەتكاسى يۋ.پۋتينتسەۆا بٸرٸنشٸ اينالىمدا دٷنيەجٷزٸلٸك رەيتينگتە 51-ورىندا تۇرعان قىتايلىق چجان شۋايمەن كەزدەستٸ.
نەبەرٸ 46 مينۋتقا سوزىلعان ماتچتا قازاقستاندىق تەننيسشٸ ايقىن باسىمدىلىق كٶرسەتٸپ, 6:2, 6:0 ەسەبٸمەن جەڭٸسكە جەتتٸ. ول بەسەكە بارىسىندا 2 ەيس جاساپ, 6 برەيك-پوينتتىڭ بەسەۋٸن پايدالاندى. قارسىلاسى 1 ەيسپەن عانا شەكتەلٸپ, برەيك جاساي العان جوق.
بۇل سپورتشىلاردىڭ ٶزارا كەزدەسۋلەرٸندەگٸ ەسەپ تەڭەستٸ – 2:2.
يۋ.پۋتينتسەۆا ەكٸنشٸ اينالىمدا ەلەمنٸڭ 6-راكەتكاسى, چەحييالىق كارولينا پليشكوۆامەن شەبەرلٸك بايقاسادى. ك.پليشكوۆا وسىنىڭ الدىندا كانادادا ٶتكەن مونرەال تۋرنيرٸنٸڭ فينالىنا دەيٸن جەتٸپ, سوڭعى بەسەكەدە يتالييالىق كاميلا دجوردجيگە 3:6, 5:7 ەسەبٸمەن ەسە جٸبەرگەن بولاتىن.
قازاقستاننىڭ بٸرٸنشٸ, ەلەمنٸڭ 19-راكەتكاسى ەلەنا رىباكينا العاشقى اينالىمدا رەيتينگتە 186-ساتىداعى اۋسترالييالىق سامانتا ستوسۋرمەن كورتقا شىعادى. ەلەنا تەجٸريبەلٸ قارسىلاسىن توكيو وليمپياداسىندا ۇتقان بولاتىن.
جٷلدە قورى 2,1 ملن اقش دوللارىنان اساتىن تسينتسينناتي دوداسى 22 تامىزدا مەرەگە جەتەدٸ.
