Qazaqstandyq, álemniń 44-raketkasy Iýliia Pýtintseva Portoroj (Sloveniia) WTA 250 týrniriniń shirek finalyna ótti, dep habarlaidy QazAqparat.
Dodanyń 2-raketkasy bolyp tirkelgen Iu.Pýtintseva ekinshi ainalymda dúniejúzilik reitingte 171-orynda turǵan ulybritaniialyq Keti Býltermen kezdesti.
Qazaqstandyq tennisshi birinshi partiiada basymdylyq kórsetti – 6:3.
Ekinshi sette de Pýtintseva 2:0 esebimen alǵa ketti. Sodan keiin esepti 5:1-ge jetkizdi. Aqyry taǵy bir breikpen bitirdi – 6:1.
1 saǵat 12 minýtqa sozylǵan match barysynda qazaqstandyq tennisshi 1 eis jasap, 7 breik-pointtyń beseýin paidalandy. Qarsylasy bir ǵana breikti qanaǵat tutty.
Iu.Pýtintseva júlde qory 190 myń AQSh dollaryna jýyqtaityn jarystyń jartylai finalyna shyǵý úshin reitingte 167-satydaǵy italiialyq Liýchiia Brontsettimen talasady. Ol ekinshi ainalymda álemniń 90-raketkasy, amerikalyq Bernarda Perany 2:6, 6:3, 6:3 esebimen tize búktirdi.
