Qazaqstandyq, álemniń 32-raketkasy Iýliia Pýtintseva Doha (Katar) premer týrniriniń úshinshi ainalymyna shyqty, dep habarlaidy "Ult aqparat".
Iu.Pýtintseva ekinshi ainalymda álemniń 23-raketkasy, jarystyń ótken jylǵy jeńimpazy, belgiialyq Elize Mertenspen kezdesti.
Birinshi sette esep 4:4 bolǵan mezette belgiialyq sportshy breik jasap, sosyn óz geimin aldy – 6:4.
Ekinshi partiiada qazaqstandyq tennisshi breikpen alǵa shyqty – 2:0. Ol osy basymdylyǵyn saqtai bildi – 6:3.
Úshinshi, sheshýshi sette esep 2:2 bolǵanda, Iýliia breik jasady – 3:2. Taǵy bir breik – 5:2. Budan keiin matchqa dop bergende, qarqynyn báseńdetken joq.
Budan keiin matchqa dop bergende, qarqynyn báseńdetken joq - 6:2. Tartysty báseke 2 saǵattai ýaqytqa sozyldy.
Osylaisha qazaqstandyq tennisshi Doha týrniriniń ótken jylǵy chempionyn taqtan taidyrdy. Budan buryn Federatsiia kýbogynyń irikteý kezeńinde Qazaqstan – Belgiia matchynda E.Mertens jeńiske jetken (6:1, 7:6) bolatyn. Sonyń qarymtasyn Iýliia búgin qaiyrdy.
Iu.Pýtintseva Doha dodasynyń (júlde qory – 2,9 mln AQSh dollary) shirek finalyna shyǵý úshin álemniń toǵyzynshy, osy jarystyń 4-raketkasy, shveitsariialyq Belinda Benchich nemese reitingte 38-oryndaǵy reseilik Veronika Kýdermetovanyń qai jeńgenimen talasady.
Eske sala keteiik, budan buryn Iýliia Pýtintsevanyń Doha týrniriniń ekinshi ainalymyna shyqqanyn, Elena Rybakinanyń da jeńispen bastaǵanyn jazǵan bolatynbyz.
Búgin Aleksandr Býblik Dýbai dodasynyń ekinshi ainalymyna shyqty.
