قازاقستاندىق, ەلەمنٸڭ 32-راكەتكاسى يۋلييا پۋتينتسەۆا دوحا (كاتار) پرەمەر تۋرنيرٸنٸڭ ٷشٸنشٸ اينالىمىنا شىقتى, دەپ حابارلايدى "ۇلت اقپارات".
يۋ.پۋتينتسەۆا ەكٸنشٸ اينالىمدا ەلەمنٸڭ 23-راكەتكاسى, جارىستىڭ ٶتكەن جىلعى جەڭٸمپازى, بەلگييالىق ەليزە مەرتەنسپەن كەزدەستٸ.
بٸرٸنشٸ سەتتە ەسەپ 4:4 بولعان مەزەتتە بەلگييالىق سپورتشى برەيك جاساپ, سوسىن ٶز گەيمٸن الدى – 6:4.
ەكٸنشٸ پارتييادا قازاقستاندىق تەننيسشٸ برەيكپەن العا شىقتى – 2:0. ول وسى باسىمدىلىعىن ساقتاي بٸلدٸ – 6:3.
ٷشٸنشٸ, شەشۋشٸ سەتتە ەسەپ 2:2 بولعاندا, يۋلييا برەيك جاسادى – 3:2. تاعى بٸر برەيك – 5:2. بۇدان كەيٸن ماتچقا دوپ بەرگەندە, قارقىنىن بەسەڭدەتكەن جوق.
بۇدان كەيٸن ماتچقا دوپ بەرگەندە, قارقىنىن بەسەڭدەتكەن جوق - 6:2. تارتىستى بەسەكە 2 ساعاتتاي ۋاقىتقا سوزىلدى.
وسىلايشا قازاقستاندىق تەننيسشٸ دوحا تۋرنيرٸنٸڭ ٶتكەن جىلعى چەمپيونىن تاقتان تايدىردى. بۇدان بۇرىن فەدەراتسييا كۋبوگىنىڭ ٸرٸكتەۋ كەزەڭٸندە قازاقستان – بەلگييا ماتچىندا ە.مەرتەنس جەڭٸسكە جەتكەن (6:1, 7:6) بولاتىن. سونىڭ قارىمتاسىن يۋلييا بٷگٸن قايىردى.
يۋ.پۋتينتسەۆا دوحا دوداسىنىڭ (جٷلدە قورى – 2,9 ملن اقش دوللارى) شيرەك فينالىنا شىعۋ ٷشٸن ەلەمنٸڭ توعىزىنشى, وسى جارىستىڭ 4-راكەتكاسى, شۆەيتسارييالىق بەليندا بەنچيچ نەمەسە رەيتينگتە 38-ورىنداعى رەسەيلٸك ۆەرونيكا كۋدەرمەتوۆانىڭ قاي جەڭگەنٸمەن تالاسادى.
ەسكە سالا كەتەيٸك, بۇدان بۇرىن يۋلييا پۋتينتسەۆانىڭ دوحا تۋرنيرٸنٸڭ ەكٸنشٸ اينالىمىنا شىققانىن, ەلەنا رىباكينانىڭ دا جەڭٸسپەن باستاعانىن جازعان بولاتىنبىز.
بٷگٸن الەكساندر بۋبليك دۋباي دوداسىنىڭ ەكٸنشٸ اينالىمىنا شىقتى.
