Qazaqstandyq Mihail Kýkýshkin Máskeýde «Kreml kýbogy» ATP týrnirin jeńispen bastady, dep habarlaidy QazAqparat.
Álemniń 58-raketkasy M.Kýkýshkin alǵashqy ainalymda dúniejúzilik reitingte 113-orynda turǵan reseilik Evgenii Donskoimen kúsh synasty.
Birinshi partiiany qazaqstandyq tennisshi 6:4 esebimen utty.
Ekinshi sette esep 3:2 bolǵan mezette M.Kýkýshkin breik jasap, alǵa shyqty – 4:2. Aqyry osy basymdylyǵyn paidalana bildi – 6:3.
Báseke 1 saǵat 16 minýtqa sozyldy.
M.Kýkýshkin shirek finalǵa shyǵý úshin osy dodanyń jetinshi, álemniń 44-raketkasy, «Kreml kýbogynyń» ótken jylǵy finalisi, frantsiialyq Adrian Mannarinomen talasady.
Júlde qory 1 mln AQSh dollaryna jýyqtaityn «Kreml kýbogy» dodasy 20 qazan kúni márege jetedi.
Búgin sondai-aq Aleksandr Býblik Máskeýde taǵy bir reseilik Andrei Rýblevpen kortqa shyǵady.
Eske sala keteiik, budan buryn A.Býblik pen M.Kýkýshkinniń juptyq synda «Kreml kýbogynyń» shirek finalyna shyqqanyn jazǵan bolatynbyz.
