Qazaqstandyq Mihail Kýkýshkin Dýbai ATP 500 týrniriniń irikteý saiysyn sátti bastady, dep habarlaidy "Ult aqparat".
Álemniń 96-raketkasy M.Kýkýshkin bastapqy kezdesýin dúniejúzilik reitingte 217-orynda turǵan frantsiialyq Maksim Janvemen ótkizdi.
Birinshi partiiada qazaqstandyq tennisshi 7:5 esebimen basymdylyq kórsetse, ekinshisinde M.Janve ese qaiyrdy – 6:2.
Úshinshi, sheshýshi sette M.Kýkýshkin aiqyn basymdylyq kórsetti – 6:1.
Báseke 1 saǵat 53 minýtqa sozyldy.
M.Kýkýshkin irikteý saiystarynyń finalynda álemniń 162-raketkasy, italiialyq Lorentso Djýstinony jeńse, negizgi týrnirge ótedi.
Qazaqstannyń birinshi, álemniń 44-raketkasy Aleksandr Býblik osy Dýbai dodasynyń alǵashqy ainalymynda reitingte 59-satydaǵy japoniialyq Esihoto Nisiokamen kúsh synasady. Dál osy tennisshini A.Býblik jýyrda Singapýr jarysynda utqan bolatyn.
