Qazaqstandyqtar Aleksandr Nedovesov pen Andrei Golýbev Horvatiiadaǵy Zadar chellendjer týrniriniń shirek finalyna shyqty, dep habarlaidy "Ult aqparat".
Qazaqstan tennis federatsiiasy málim etkenindei, osy dodanyń 1-raketkasy bolyp tirkelgen A.Nedovesov pen A.Golýbev bastapqy kezdesýin italiialyqtar Marko Bortolotti – Alessandro Djannesimen ótkizdi.
Qazaqstandyq jup 6:4, 6:4 esebimen jeńiske jetti. Olar 1 saǵat 8 minýtqa sozylǵan básekede eki márte breik jasai bildi.
A.Nedovesov pen A.Golýbev jartylai finalǵa shyǵý úshin bosniialyq Tomislav Brkich – horvatiialyq Nino Serdarýshich nemese chehiialyq Vit Kopriva – ispaniialyq Nikolas Sanches juptarynyń qai jeńgenimen talasady.
Júlde qory 44820 eýroǵa baǵalanǵan Zadar dodasy 27 naýryzda márege jetedi.
