Kordova qalasynda Billi Djin King kýbogynyń plei-off kezeńinde Qazaqstan – Argentina matchynda elimizdiń birinshi raketkasy, álemniń 23-raketkasy Elena Rybakina komandasyn alǵa shyǵardy, dep habarlaidy "Ult aqparat".
Jarystyń ekinshi kúni Elena Rybakina Argentinanyń birinshi, álemniń 45-raketkasy Nadia Podoroskamen kezdesti.
Keshe argentinalyq, dúniejúzilik reitingte nebári 430-orynda turǵan Mariia Lýrdes Karleden kútpegen jerden jeńilip qalǵan E.Rybakina bul joly oiyn tizginin qolyna aldy.
Birinshi partiiada qazaqstandyq tennisshi basymdylyq kórsetti – 6:4.
Ekinshi sette esep 2:1 bolǵan mezette E.Rybakina breik jasai bildi. Matchqa dop bergende, qarsylasy qaiyra breik jasady. Biraq Elena kezdesýdi taǵy bir breikpen támamdady – 6:4.
Báseke 2 saǵat 6 minýtqa sozyldy.
Osylaisha matchta Qazaqstan quramasy 2:1 esebimen alǵa shyqty. Endi qazaqstandyqtarǵa qalǵan eki kezdesýde bir jeńiske jetse boldy, Billi Djin King kýbogynyń sheshýshi kezeńine joldama alady.
