Praga qalasynda áielder quramalary arasynda 2022 jyly ótetin Billi Djin King kýbogy irikteý saiystarynyń jerebesi tartyldy, dep habarlaidy QazAqparat.
Qazaqstan tennis federatsiiasy málim etkenindei, elimiz quramasy Nur-Sultanda Germaniiamen kezdesedi.
Match 2022 jyly elordada 15-16 sáýirde ótedi. Eger qazaqstandyq qyzdar jeńgen jaǵdaida alǵash ret finaldyq kezeńge joldama alyp, bas júldeni sarapqa salatyn bolady.
Qazaqstan quramasy osy irikteý saiysyna biylǵy sáýirde Argentina tennisshilerin 3:2 esebimen jeńgennen keiin ótken edi.
