25 qazan men 1 qarasha aralyǵynda elordada alǵash ret tennisten ATP 250 seriialy Astana Open týrniri ótedi, dep habarlaidy "Ult aqparat" qala ákimdiginiń resmi saityna silteme jasap.
Týrnir barlyq sanitarlyq-epidemiologiialyq talaptardy eskere otyryp ótkiziledi.
Tennisshiler úshin úsh ese kúsheitilgen áleýmettik qashyqtyq sharalary jasaldy. Barlyq qatysýshylar men týrnir uiymdastyrýshylary únemi PTR testileýden ótýi kerek. Kórermensiz ótetin barlyq matchty tennis jankúierleri Qazsport telearnasynan tikelei efirde kórýge múmkindik alady.
Uiymdastyrýshylardyń aitýynsha, tennisshilerdiń kópshiligi Frantsiiadan keledi: Benýa Pir, Richard Gaske, Adrian Mannarino jáne basqalar. Sondai-aq Ispaniia, Serbiia, Avstraliia, Ulybritaniia, Portýgaliia, AQSh, Italiia, Chehiia, Moldova, Argentina, Resei, Bosniia jáne Gertsegovina, Belarýs, Germaniia, Ońtústik Afrika, Finliandiia, Japoniia, Belgiia, Daniia, Niderlandy tennisshileri Astana Open, Ýrýgvai, Horvatiia, Braziliia, Úndistan, Ekvador jáne Monako tennisshileri Astana Open korttaryna shyǵady.
Týrnirdiń júlde qory 275 myń AQSh dollaryn quraidy.
