Áielder tennis qaýymdastyǵy (WTA) búgin jariialaǵan chempiondyq reitingide Qazaqstannyń birinshi, álemniń 13-raketkasy Elena Rybakina ekinshi orynǵa kóterildi, dep habarlaidy QazAqparat.
Kósh basynda álemniń birinshi raketkasy, aýstraliialyq Eshli Barti keledi.
E.Rybakina mundai tabysqa Adelaida (Aýstraliia) WTA 500 týrnirinde sátti óner kórsetýi nátijesinde qol jetkizdi. Onda ol finalda ǵana dál osy E.Bartige jol bergen bolatyn.
Qazaqstandyq tennisshiniń endi Sidnei men Aýstraliia ashyq chempionatynda joly bolsa, kórsetkishin odan ári jaqsarta alady.
Sonymen, WTA chempiondyq reitingisiniń úzdik ondyǵyna mynalar kirdi:
1. Eshli Barti (Aýstraliia) — 470.
2. Elena Rybakina (Qazaqstan) — 305.
3. Simona Halep (Rýmyniia) — 280.
4. Amanda Anisimova (AQSh) — 280.
5. Aleksandra Sasnovich (Belarýs) — 198.
6. Igra Sviontek (Polsha) — 185.
7. Misaki Doi (Japoniia) — 185.
8. Veronika Kýdermetova (Resei) — 180.
9. Chjen Tsinven (Qytai) — 128.
10. Naomi Osaka (Japoniia) — 110.
Eske sala keteiik, budan buryn Elena Rybakinanyń Adelaida týrnirinde álemniń birinshi raketkasynan jeńilip qalǵanyn, qazaqstandyq tennisshilerdiń Aýstraliia ashyq chempionatynyń irikteý saiysyn sátti bastaǵanyn jazǵan bolatynbyz.
