Qazaqstannyń birinshi, álemniń 21-raketkasy Elena Rybakina Berlin WTA 500 týrniriniń shirek finalyna shyǵa almady, dep habarlaidy "Ult aqparat".
Dál búgin 22-ge tolǵan qazaqstandyq tennisshi ekinshi ainalymda álemniń 13-inshi, osy jarystyń 6-raketkasy, «Úlken dýlyǵa» týrniriniń eki márte chempiony, ispaniialyq Garbine Mýgýrýsamen kezdesti.
Birinshi partiiada esep 2:2 bolǵan mezette ispaniialyq sportshy breik jasap ketti. Qazaqstandyq tennisshi tarazy basyn teńestirgenimen, sol qarqynyn jalǵastyra almady.
Taǵy bir breik jasaǵan G.Mýgýrýsa setti óz paidasyna aiaqtady – 6:4.
Ispaniialyq tennisshi ekinshi sette de breikpen alǵa shyqty – 3:2. Sodan keiin matchty taǵy bir breikpen túiindedi – 6:3.
Bir saǵat 43 minýtqa sozylǵan báseke barysynda G.Mýgýrýsa 4 breik-pointtyń úsheýin paidalandy. Kerisinshe E.Rybakina 7 breik-pointtyń bireýin ǵana óz esebine jaza aldy.
Elena 10 eis jasasa, qarsylasy munymen maqtana alǵan joq.
G.Mýgýrýsa jartylai finalǵa shyǵý úshin frantsiialyq Alize Kornemen talasady.
