Qazaqstannyń birinshi raketkasy Elena Rybakina jańartylǵan álemdik reitingide 13-orynǵa kóterildi, dep habarlaidy QazAqparat.
Qazaqstan tennis federatsiiasy málim etkenindei, qazaqstandyq sportshy óziniń rekordtyq kórsetkishine qol jetkizip, úzdik ondyqqa jaqyndady.
Taǵy bir qazaqstandyq Iýliia Pýtintseva 43-satyda bolsa, Zarina Diias 102-den 108-ge syrǵydy.
Juptyq synda E.Rybakina 50-den 52-ge tómendese, Anna Danilina 75-orynda qaldy. Jibek Qulambaeva birden 56 saty joǵarylap, 319-orynǵa jaiǵasty.
Erler arasynda Qazaqstannyń birinshi raketkasy Aleksandr Býblik 35-orynda bolsa, Dmitrii Popko 180-nen 177-ge, Mihail Kýkýshkin 182-den 180-ge kóterildi.
Juptyq synda Andrei Golýbev 27-inshi, Melbýrn týrniriniń finalyna shyqqan Aleksandr Nedovesov 69-orynǵa ornyqty.
Elena Rybakina taǵy bir iri doda – Sidnei týrnirinde óner kórsetedi. Ol alǵashqy ainalymda ótken jyly irikteý saiystarynan ótip, AQSh ashyq chempionatynyń jeńimpazy atanǵan ulybritaniialyq Emma Radýkanýmen sheberlik baiqasady.
