Qazaqstannyń birinshi, álemniń 19-raketkasy Elena Rybakina Ábý-Dabi WTA 500 týrniriniń jartylai finalyna shyǵa almady, dep habarlaidy "Ult aqparat".
Qazaqstandyq tennisshi shirek finalda álemniń 10-raketkasy, Belarýs ókili Arina Sobolenkomen kezdesti.
Osyǵan deiin A.Sobolenko qos birdei týrnirdi utyp, qatarynan 12 jeńiske qol jetkizgen edi.
Birinshi partiiada esep 5:4 bolǵan sátte A.Sobolenko breik jasap ketti – 6:4.
Ekinshi setti E.Rybakina breikpen bastady – 1:0. Taǵy bir breik – 4:1. Budan keiin belarýs tennisshisi qaiyra breik jasap, esepti qysqartty. Degenmen qazaqstandyq sportshy úshinshi setbolyn paidalana bildi – 6:4.
Úshinshi, sheshýshi partiiada Sobolenko 3:0 esebimen alǵa shyqty. Aqyry ol matchty jeńispen bitirdi – 6:3.
Tartysty báseke 2 saǵatqa sozyldy.
A.Sobolenko finalǵa shyǵý úshin álemniń 4-raketkasy, amerikalyq Sofiia Kenin nemese reitingte 22-orynda turǵan grekiialyq Mariia Sakkaridyń bireýimen talasady.
