Qazaqstandyq Dmitrii Popko Lissabon (Portýgaliia) chellendjer týrniriniń shirek finalyna shyqty, dep habarlaidy "Ult aqparat".
Álemniń 178-raketkasy D.Popko ekinshi ainalymda reitingte 285-orynda turǵan portýgaliialyq Gonsalý Oliveiramen kúsh synasty.
Birinshi partiiada oiyn tizginin birden qolyna alǵan qazaqstandyq tennisshi sol qarqynynan jańylǵan joq – 6:2.
Ekinshi set te dál osyndai eseppen aiaqtaldy.
Báseke 1 saǵat 26 minýtqa sozyldy.
D.Popko bastapqy kezdesýinde braziliialyq Joan Menezeshti 6:3, 6:4 esebimen tize búktirgen bolatyn. Endi ol jartylai finalǵa shyǵý úshin álemniń 111-inshi, osy dodanyń 2-raketkasy, taǵy bir portýgaliialyq Pedro Soýsa nemese reitingte 248-satydaǵy frantsiialyq Ýgo Greneniń bireýimen talasady.
Eske sala keteiik, budan buryn A.Býbliktiń juptyq synda Sankt-Peterbýrg týrniriniń jartylai finalyna shyqqanyn jazǵan bolatynbyz.
A.Býblik búgin jekelei synda shirek finalǵa shyǵý úshin álemniń 21-raketkasy, kanadalyq Milosh Raonichpen sheberlik baiqasady.
