Qazaqstandyq Dmitrii Popko Almaty chellendjer týrniriniń jartylai finalyna shyqty, dep habarlaidy "Ult aqparat".
Dúniejúzilik reitingte 195-orynda turǵan D.Popko shirek finalda álemniń 108-inshi, osy dodanyń 1-raketkasy, slovakiialyq Andrei Martinmen sheberlik baiqasty.
Birinshi partiiada breik jasaǵan qazaqstandyq tennisshi esep 5:4 bolǵanda setke dop bergenimen, ony paidalana almady. Degenmen qaiyra breik jasap, ekinshi múmkindigin múlt jibermedi – 7:5.
D.Popko ekinshi setti de breikpen bastap, alǵa ketti. Aqyry sol basymdylyǵyn saqtap qaldy – 6:4.
Tartysty báseke 1 saǵat 42 minýtqa sozyldy.
D.Popko finalǵa shyǵý úshin reitingte 259-satydaǵy belgiialyq Zizý Bergspen talasady. Ol shirek finalda álemniń 174-inshi, osy jarystyń 3-raketkasy, otandasy Kimmer Koppeiansty 6:3, 2:6, 6:4 esebimen utty.
Eger D.Popko men T.Skatov jartylai finalda qarsylastaryn jeńse, finalda ózara kezdesedi.
