Qazaqstandyq Dmitrii Popko AQSh-tyń Keri qalasynda ótip jatqan chellendjer týrniriniń shirek finalyna shyqty, dep habarlaidy "Ult aqparat".
Álemdik reitingte 174-orynda turǵan, osy jarystyń 7-raketkasy bolyp tirkelgen D.Popko eki kezdesýin jeńispen aiaqtady.
Áýeli reitingte 239-satydaǵy amerikalyq Ýliss Blanchty 6:3, 6:2 esebimen tize búktirdi.
Ekinshi ainalymda álemniń 197-raketkasy, taǵy bir amerikalyq Mitchell Kriýgamen ótken match áldeqaida tartysty bolyp, úsh setke sozyldy. Munda qazaqstandyq tennisshi 6:3, 3:6, 6:3 esebimen jeńiske jetti.
D.Popko jartylai finalǵa shyǵý úshin álemniń 124-inshi, týrnirdiń 2-raketkasy, AQSh ókili Denis Kýdlamen talasady.
Taǵy bir qazaqstandyq Aleksandr Nedovesov alǵashqy ainalymnan asa almady. Degenmen ol Andrei Golýbevpen birge juptyq synda filippindik Trit Hiýi men amerikalyq Robert Galloýeidi jeńip, shirek finalǵa shyqty. Olar jartylai finalǵa shyǵý úshin amerikalyq Denis Novikov pen reseilik Teimýraz Gabashvilimen sheberlik baiqasady.
Juptyq synda D.Popko da jarysty jalǵastyrýda. Ol polshalyq Piter Polanskimen birge bastapqyda dominikandyq Roberto Sid Sýbervi men kolýmbiialyq Daniel Elai Galannyń meselin qaiyrsa, shirek finalda amerikalyq Hanter Ris pen Niderlandy ókili Sem Verbikpen kúsh synasady.
