Qazaqstandyq Aleksandr Nedovesov ýkrainalyq Denis Molchanovpen birge juptyq synda Antaliia 2 chellendjer týrniriniń jeńimpazy atandy, dep habarlaidy "Ult aqparat".
Qazaqstandyq-ýkrainalyq jup finalda amerikalyqtar Robert Gelloýei - Aleks Loýsonmen bas júldeni sarapqa saldy.
Budan buryn Antaliiada ótken dál osyndai jarysta A.Nedovesov pen D.Molchanov juby chempion atanǵan bolatyn. Sol dodanyń bastapqy kezdesýinde olar amerikalyq jupty eki sette utqan edi.
Bul joly birinshi partiiada toǵyzynshy geimde Nedovesov pen Molchanov breik jasai aldy - 6:4.
Ekinshi sette qarsylastar breikpen almasyp, kezdesý taǵdyry tai-breikte qazaqstandyq-ýkrainalyq juptyń paidasyna sheshildi - 7:6 (7:2).
Báseke 1 saǵat 20 minýtqa sozyldy.
Osylaisha Nedovesov pen Molchanov Antaliiada qatarynan eki týrnirde jeńimpaz atandy. Bul qazaqstandyq tennisshiniń chellendjer jarystaryndaǵy 17-inshi jeńisi edi.
