Qazaqstandyq Aleksandr Býblik jańartylǵan ATP reitingisinde 46-dan 43-orynǵa kóterildi, dep habarlaidy "Ult aqparat".
Bul – ótken aptada Singapýr jarysynyń finalyna deiin jetken qazaqstandyq tennisshiniń jeke rekordy.
Budan buryn onyń úzdik kórsetkishi 45-oryn bolatyn.
Al Mihail Kýkýshkin 94-ten 96-ǵa, Dmitrii Popko 180-nen 183-satyǵa syrǵydy.
Úzdik úshtikte burynǵysha serbiialyq Novak Djokovich, ispaniialyq Rafael Nadal jáne reseilik Daniil Medvedev keledi.
Áielder arasynda WTA reitingisinde aýstraliialyq Eshli Barti kósh bastasa, japoniialyq Naomi Osaka ekinshi, rýmyniialyq Simona Halep úshinshi orynda.
Qazaqstandyqtardan Elena Rybakina 23-inshi, Iýliia Pýtintseva 28-ornynda qalsa, Zarina Diias 84-ten 85-ke tómendedi.
Eske sala keteiik, budan buryn A.Býbliktiń Singapýr týrniriniń finalynda utylyp qalǵanyn jazǵan bolatynbyz.
A.Býblik endi Rotterdam ATP dodasynda óner kórsetedi. Onyń alǵashqy ainalymdaǵy qarsylasy – álemniń 7-raketkasy, germaniialyq Aleksandr Zverev.
