قازاقستاندىق الەكساندر بۋبليك جاڭارتىلعان ATP رەيتينگٸسٸندە 46-دان 43-ورىنعا كٶتەرٸلدٸ, دەپ حابارلايدى "ۇلت اقپارات".
بۇل – ٶتكەن اپتادا سينگاپۋر جارىسىنىڭ فينالىنا دەيٸن جەتكەن قازاقستاندىق تەننيسشٸنٸڭ جەكە رەكوردى.
بۇدان بۇرىن ونىڭ ٷزدٸك كٶرسەتكٸشٸ 45-ورىن بولاتىن.
ال ميحايل كۋكۋشكين 94-تەن 96-عا, دميتريي پوپكو 180-نەن 183-ساتىعا سىرعىدى.
ٷزدٸك ٷشتٸكتە بۇرىنعىشا سەربييالىق نوۆاك دجوكوۆيچ, يسپانييالىق رافاەل نادال جەنە رەسەيلٸك دانييل مەدۆەدەۆ كەلەدٸ.
ەيەلدەر اراسىندا WTA رەيتينگٸسٸندە اۋسترالييالىق ەشلي بارتي كٶش باستاسا, جاپونييالىق ناومي وساكا ەكٸنشٸ, رۋمىنييالىق سيمونا حالەپ ٷشٸنشٸ ورىندا.
قازاقستاندىقتاردان ەلەنا رىباكينا 23-ٸنشٸ, يۋلييا پۋتينتسەۆا 28-ورنىندا قالسا, زارينا ديياس 84-تەن 85-كە تٶمەندەدٸ.
ەسكە سالا كەتەيٸك, بۇدان بۇرىن ا.بۋبليكتٸڭ سينگاپۋر تۋرنيرٸنٸڭ فينالىندا ۇتىلىپ قالعانىن جازعان بولاتىنبىز.
ا.بۋبليك ەندٸ روتتەردام ATP دوداسىندا ٶنەر كٶرسەتەدٸ. ونىڭ العاشقى اينالىمداعى قارسىلاسى – ەلەمنٸڭ 7-راكەتكاسى, گەرمانييالىق الەكساندر زۆەرەۆ.
