Qazaqstannyń birinshi, álemniń 39-raketkasy Aleksandr Býblik London ATP 500 týrniriniń shirek finalyna shyǵa almady, dep habarlaidy "Ult aqparat".
Qazaqstandyq tennisshi ekinshi ainalymda dúniejúzilik reitingte 309-orynda turǵan, dodaǵa arnaiy shaqyrtýmen qosylǵan 19 jastaǵy ulybritaniialyq Djek Dreipermen kezdesti.
Birinshi partiiada ulybritaniialyq tennisshi 7:6 (7:5) esebimen basym tústi.
D.Dreiper tai-breikke ulasqan ekinshi sette de oiyn tizginin ýysynan shyǵarǵan joq – 7:6 (7:0).
Báseke 1 saǵat 33 minýtqa sozyldy.
Match barysynda A.Býblik 21 eis jasap, 3 breik-pointtyń bireýin ǵana óz paidasyna sheshe aldy. Qarsylasy 6 eis, 1 breikpen shekteldi.
D.Dreiper jartylai finalǵa shyǵý úshin taǵy bir ulybritaniialyq Kemeron Norrimen talasady. Ol reseilik Aslan Karatsevti 7:5, 6:2 esebimen utty.
