22 naýryz – 4 sáýir aralyǵynda Maiamide erler men áielder arasynda Miami Open presented by Itaú týrniri ótedi, dep habarlaidy "Ult aqparat".
Qazaqstan tennis federatsiiasynan túsken málimetke qaraǵanda, jarys uiymdastyrýshylary resmi saitta qatysýshylar tizimin jariia etti.
Erler arasynda negizgi dodada Qazaqstannan Aleksandr Býblik pen Mihail Kýkýshkin, áielderden Elena Rybakina, Iýliia Pýtintseva, Zarina Diias jáne Iaroslava Shvedova baq synaidy.
Atalmysh týrnir «Úlken dýlyǵa» týrnirleri Australian Open, Roland Garros, Wimbledon jáne US Open-nen keiingi eń bedeldi jarys sanalady.
2019 jyly týrnir alǵash ret Maiamidegi «Hard Rok stediým» stadionynda ótkizildi. Oǵan deiin Ki-Biskeinde bolyp keldi. 2020 jyly jarys koronavirýs indetine bailanysty ótpei qaldy.
Erler arasyndaǵy Miami Open presented by Itaú ATR Masters 1000, áielder dodasy Premier Mandatory seriiasyna jatady. Erler jáne áielder arasynda jarystyń jalpy quny 9 mln-dai AQSh dollaryn quraityn. Alaida biyl uiymdastyrýshylar júlde qoryn 2,5 esege, 6,68 mln dollarǵa deiin kemitti. Jekelei synda chempiondardyń syiaqysy 80 paiyzǵa azaidy, olar 1,354 mln dollardyń ornyna 300 myńnan alady. Stadiondar tolymdylyǵy 20 paiyzdan aspaidy. Bul júlde qoryna tikelei áser etti. Oiynshylar otelden tek matchtar men jattyǵýlarǵa ǵana bosatylady.
