Foto: Kazakhstan press club
Qazaqstandyq Týristik assotsiatsiia (QTA) dabyl qaǵýda: birqatar týroperatorlar týristerdi shetelge demalysqa naqty jibergeni úshin qosymsha salyq tóleýdi talap etetin salyq organdarynan habarlama alǵan, dep habarlaidy Ult.kz.
Bul shaǵymdar, QTA pikirinshe, bir jaǵynan negizsiz, al bir jaǵynan qazaqstandyqtar úshin týristik joldamalardyń is júzinde baǵasynyń úshten birine ósýine alyp keledi, ekinshi jaǵynan – týristik naryqtyń kásibi qatysýshylaryn joiady.
Daýdyń máni nede? Týroperatorlar týristik paketterdi qura otyryp, sheteldik qonaqúilermen, aviakompaniialarmen, kólik kompaniialarymen jáne basqa da qyzmet kórsetýshilermen kelisimsharttar jasaidy. Bul qyzmetter Qazaqstannan tys jerlerde usynylady. Salyq zańnamasyna sáikes sheteldik kompaniialardyń mundai qyzmetterden túsetin tabystaryna Qazaqstanda salyq salynbaýǵa tiis.
Alaida, salyq organdary, týroperatorlar salyqtyq jeńildikterdi zańsyz qoldandy jáne Qazaqstanda ózderiniń sheteldik seriktesteri úshin turaqty ókildikter qurǵan bolýy múmkin dep málimdeidi. Bul seriktesterdiń kiristerin avtomatty túrde salyq salý obektisine ainaldyrady.
QTA bul interpretatsiiamen múldem kelispeidi.
"Týroperatorlar óz atynan áreket etedi jáne kórsetiletin qyzmetterdiń sapasy úshin qazaqstandyq týrister aldynda tolyq jaýapty bolady", – dep túsindiredi, Týlkiev Asqar, QTA zańgeri.
"Biz sheteldik kompaniialardyń filialdary nemese ókildikteri emespiz, tek olardan týristik paketti qalyptastyrý úshin qajetti qyzmetterdi satyp alamyz. Bul standartty biznes tájiribesi".
Sonymen qatar, QTA salyq organdary tarapynan eleýli protsedýralyq buzýshylyqtardy kórsetedi. Birinshiden, habarlamalarda aqparat kózi retinde 101.04 nysany kórsetilgen, onda týroperatorlardyń aitýynsha, sheteldik seriktestermen ózara esep aiyrysý týraly derekter joq. Ekinshiden, shaǵymdar 2022-2023 jyldarǵa qatysty, degenmen valiýtalyq baqylaý fýnktsiialary salyq organdaryna 2024 jyldyń 1 qańtarynan bastap ǵana berildi.
QTA, salyq talaptary zańdy túrde durys negizdelmegen jáne Qazaqstannyń týristik salasy úshin eleýli teris saldary bolýy múmkin dep sanaidy. Salyq júktemesiniń ósýi tutynýshylar úshin týrlardyń qymbattaýyna ákeletini, sózsiz. Qazaqstandyq Týristik assotsiatsiia (QTA), salyq organdaryn habarlamalardy qaitaryp alýǵa shaqyrady jáne sotta týroperatorlardyń múddelerin qorǵaýǵa daiyn.
