QR Prezidenti Qasym-Jomart Toqaev Teńiz ken ornyndaǵy jumysshylar tóbelesi týraly pikir bildirdi, dep habarlaidy QazAqparat tilshisi.
Úkimettiń keńeitilgen otyrysynda Atyraý oblysynyń ákimi Nurlan Noǵaev oqiǵadan keiingi jaǵdai týraly aityp berdi.
«Ákim orynbasary basshylyq etetin vedomstvolyq komissiia quryldy. Kompaniialar ókilderimen kezdesý ótkizdik. Olardyń usynymdaryn eskerip, ministrliktermen jáne ortalyq organdarmen birlesip, jumys istep jatyrmyz jáne jaqyn arada sheshim qabyldaimyz», - dedi Nurlan Noǵaev.
Memleket basshysy Qasym-Jomart Toqaev bolǵan oqiǵadan sabaq alý qajettigin aitty.
«Bul – sabaq, endi mundai jaǵdaiǵa jol bermeý kerek. Osyndai oqiǵalar el imidjine keri áser etedi. Energetika, indýstriia jáne infraqurylymdyq damý salasyndaǵy ministrlikterge jáne «Samuryq-Qazyna» úshin bul másele óte mańyzdy, bul boiynsha ásirese sizdiń óńirińizde udaiy jumys isteý qajet», - dedi Prezident Atyraý oblysynyń ákimine.
Esterińizge sala ketsek, 29 maýsym kúni «Teńiz» vahtalyq qalashyǵynda (Jylyoi aýdany Qulsary qalasynan 120 km, Atyraý qalasynan 340 km) «Sohsolited Contracting Endihering and Prourement S.A.L Offshore (CSER)» kompaniiasynyń jumysshylary jumys ýchaskesine jinalyp, Liviia azamaty Eli Daoud-tiń jaqynda WhatsApp jelisiniń profiline ornalastyrǵan fotosýretine narazylyq bildirgen bolatyn.
