Atyraý oblysynyń Jylyoi aýdanynda «Teńizshevroil» JShS kompaniiasy Teńiz ken ornynan jarty jylda 15 mln tonnadai munai óndirildi, dep habarlaidy QazAqparat tilshisi.
«2008 jyly TShO shiki gazdy aidaý jobasyn aiaqtap, ekinshi býyn zaýytyn iske qosqan soń, táýliktik munai óndirý kólemi 75 000 tonnaǵa (600 000 barrel) jetti. Atalǵan jobalardyń arqasynda 2019 jyldyń alǵashqy jartysynda shiki munai óndirý kólemi 14,96 million tonna nemese 119,4 million barreldi qurady», - dep málimdedi «Teńizshevroil» kompaniiasynyń baspasóz qyzmeti.
Eske sala keteiik, 2018 jyldyń alǵashqy jartysynda bul kórsetkish 14,7 mln tonna (117,3 mln barrel) edi.
Teńiz kollektorynyń jalpy barlanǵan qory 3,2 milliard tonna (25,5 mlrd barrel), Korolev ken ornynda - 200 million tonna (1,6 mlrd barrel). Teńiz jáne Korolev ken oryndarynan alynatyn munai qorlary 890 millionnan 1,37 milliard tonnaǵa (7,1 – 10,9 mlrd barrel) deiin jetedi. Teńiz ken orny kollektorynyń eni 20 km (12 mil), al uzyndyǵy 21 km (13 mil).
